.gif)
احنا عايزين نكلمكم على فن لازم يبقى عند الشاب الروش اللي موجود اليو مين دول اصحو كدة معايا يا شباب ..
في مؤتمر في سوسرا لبحث كيفية تثبيت البنات تقدم احد العلماء ببحث في تأثير حركة العين الشمال عند الولد على عملية التثبيت و توصلا في البحث ان البنت اول حاجة بتلاحظها في الولد حركة النني و عدد شعرات الرمش ،
لذلك لا بد ان تحرص على تدريب عضلة النني من اربع الى خمس ساعات يوميا مع اتباع نظام غذائي محدد علشان تعرف تثبت حريم ، مش عايز اتوهكم و ادخل في مسائل علمية لاني عارفكم مش فاهمين في الحوارات دي............ .... يعني اول ما تشوف البت تروح يا معلم مشغل العضلة الشمال للني و تغمز غمزة اتنين قدم و نص بزاوية 27 درجة و تروح قايل ليها ( لو سمحت ممكن دقيقتين من وقتك؟) اول ما تسألها السؤال ده اللي هيحصل كالأتي :
الاحتمال الاول :انها تقول نعم و ده بنسبت 65% و هيترتب عليه اللي هنقوله بعدين ، الاحتمال الثاني:انها طبعا تقول لا و ده بنسبة 80 % و محدش يسألنتي ازاي و هيترتب عليه اللي هنقوله بعدين برده... و فيه طبعا اخر احتمال بنسبة 100% ان هي هتبصلك بقرف و مدام بصتلك بقرف يبقى انت مفهمتش موضوع العضلة...
نرجع للاحتمال الاول انها تقول نعم ترد انت تقول نعم الله عليكي هتقولك خير قولها خير ان شاء الله و تشغل العضلة بس اتوصى و اتكا عليها شوية هتقولك مال عينك ؟ قولها خناقة و بكده تصعب عليها تروح هيا مكلماك و تظبط يا معلم عيش بقى بس عرفني على بنت خالتها .
الاحتمال الثاني انها تقول لا في الحالة دي بقى عايزة تتكلم بس هي بتتقل و مدام تقلت يبقى خرشمت و موضوع العضلة صعب في الحالة دي اذن مفيش غير موضوع انا كنت عرضته في مؤتمر تاني في السنغال الشرقية لان الطريقة دي اثبتت فعالية في تثبيت البنات السود و اللي بيتقلو اللي هي (طريقة 325 جنايات) تقولها بستهزاء و انت بتبتسم ابتسامة ساخرة( ايه التقل ده انتي حاطة في جيوبك ظلط؟) طبعا هي ممكن يغما عليها من دمك الخفيف يا خفيف هتروح انت مدي ميزد كول للاسعاف بالموبيل بتاعك هما طبعا مش هيفهو حاجة من الميزد ده لاكن هي هتفوق و تروح مرميا في حضنك بمجرد انها شافت الموبيل معاك ...و بكده انت بدأت تحط رجلك على طريق التثبيت بس اغسلها بلاش تحط رجلك و هي معفنة و خطي برجلك اليمين ... وابقى قابلني لو اتعرفت على اي بنت ...
عموما فيه مواضيع كتير عن التثبيت لانها دي در اسة وعلم و في مقالات هتنزل في المستقبل القريب منها (التثبيت بالعربية) وثبت نفسك بنفسك)و (ثبت صنم ) و (شكل توكت الحزام و تأثيره على البنت)....
خلي بالكم فيه باب رائع بعنوان التثبيت بالموبيل حاليا بالاسواق شرايط و سي دى
هناك 8 تعليقات:
بجد بجد حلو قوى ودمه خفيف وبكده انت بتحمى بنات مصر بنصيحك بجد الكيابه حلوه قوى وربنا معاك وتكتبلنا كتييير وياريت تركز على بحث شكل توكت الحزام فى التأثير واضح انه مؤثر جدا
مدونة جريئة و دمها خفيف :)))
بس انت كده طلعت البنات هايفة اووووووووووى
فكرتنى بالاعلان الى البنات بتروح فيه لى معاه رنات روشة اكتر
يا عينى علينا
إزيك يا عم تيتو
لقيت تعليقك عندي .. و لقيت رجلي ( إطمن .. مغسوله مش معفنه ) جايباني لحد مدونتك عشان أشوف الجمال ده كله ..
و الله لولا إن ربنا تاب عليا كنت خدت بنصيحتك .. لكن من يوم ما خطبت و انا ماباشوفش غير خطيبتي ( و زي ما انت عارف دي نهاية كل ظالم )
أحب اشوف لك جديد دائما
تحياتي
أذا كنت من عشاق الحاضر الغائب العندليب الأسمر تقبل دعوتى لحضور ( ليلة عبد الحليم حافظ ) حفل موسيقى على انغام العود يوم الأحد 30 مارس قاعة الحكمة بساقية الصاوى ( أسفل كوبرى 26 يوليو الزمالك ) أحياءا لذكرى رحيل فنان حفر بحنجرته حكاية شعب - سعر التذكرة 20 جنيه و للأعضاء 15
انا بقي اللي هقولك ازاى البنات بتتصرف مع الولاد اللي فاكرة نفسها بتثبت :
اولا : تعمل نفسها مش واخده بالها ولا كانه موجود .
ثانياً : من الاخر الواد ده شايف نفسه وعايز يعيش عليه الدور طيب.... هوريه
نظرة بسيطة من بعيد وابتسامه ...فيروح الاخ مدلوق وبعدين اول ما يجي يفكر يتكلم " تعرف تخليه زى الكتكوت المبلول "
هيه دى البنات يابنى ولا بلاش
صاحبة مدونة يوميات موظفة استقبال
ههههههههههههههههههههه
لاء يا عم مش عايزين نثبت حد احنا
بوست دمه خفيف جدا
اشكرك يا سيد يا عاطفي
هههههههههههههه
لا بجد ايه الكلام ده طيب الشباب هتزعل منك هما البنات وحشين كده قوى
بينى وبينك ساعات هههههههه
إرسال تعليق